Damara Nama


Video stream | nbc Road Show



≠Hôa≠gares ||îs !gâ-aon di #hâsigu !na di|oa-|oas !aroma uhâ ||khasiba uhâ |garas ge Damara/Nama !oabas ia |gam !haora |gui |hûhâ gowab !na ura !oabas xa ||îb a ≠oa-≠amsa |gaub !nara ||gau-≠ûihe.

Oshiwambo- tsî Otjiherero !oabara ||khara khemis ge Damara/Nama !oabasa ≠guros Hôasoreb dis ai 1969|a ||î gurib !na ge #nuwihe tsî nàu !nasas ge !gom|gausa tsoa-tsoasa uhâ i xawe !nuse hâ #haridi ||an ≠ga-aona |asa !hub-aiba ge mâi-ai!â.

||Aubexa 30 gurigu !kharu hâ ||îs ni #nuwihes ai!â ige SWA/Namibiab di ||gûsi gowagu ni ||o#oa khemi gere ||gausen tsî ige !aru|î gare-tsanade ge |khai i tsî ige !haosi #uga ||aubexa gere ||o#oa.

Ne soab !nas ge ne ≠kham tsî |asa Damara/Nama !oabasa ne !haosi #ugu tsî ||naetiga uhâ |garas !aroma ge ||ara#gâ. Nau !nasas ge nesa ne !oabas di !uru- ≠âibasen tama hâ I xawes ge nesa înga|ge o!nase ≠oa≠amsa xui ase ge u!oahe.

Nes ge ||khati ge !aromaba |guis tira mîhe khoe-i tsîn ne #hôa#gare-!oabas di mâ||awosa îngan|ge titesa tsîs ge ||îs ge !gam ≠garogu !na a !gûsa Damara/Nama !oabas di disi gurixasa #hôa#gare-saogugu tsî |hûhâsib ||âudigu |kha tsedis !na u ge !gasa gaihe. !Haosi |gui!naxasib, |ûbagus tsî ûib mâsiga |gawi|gawis ge gaise a ≠hâ≠hâsa xui ase ge tsoatsoa, ia ge ne !hub !na a ||gau#ûihe tsoatsoana, ai||gaus ase ige !haosi |gui !naxasib di #hanuba 1985|a ||î gurib !na a ≠nui≠gahese.

Damara/Nama !oabas di saogugu ge !nona #guri haigu ai a !am mâisa : ||kha||khakhâis,≠an≠andi tsî !gâi!gâisen gais tsîga.

||îgu gaise a ≠oa≠amsa saogugu Damara/Nama !oabas digu ge “||Goa-!haob, Tap ≠namipep,≠Khamkhoen saogub, Tses tana-!khaidi, ≠Khawadib saogub, Sorosi-≠gam-≠gamsen |hurun, !nari-||aeb, !Ui-!haob, ≠Hôan tsî Khom ≠gaots ta-e khomi tsîna. ≠Urusib, Tita !oahab tsâ Sa ≠Hanuba ≠ants ab tsîgu ge ha|arora saogugu ase I taradi tsî |gôaron !âgu tsîna !kho≠ga hâse.

Daamara/Nama !oabas !na ige sîsen-aon di !harib ai /omkhâisa ||khati ge hâ, haga (4) ≠hôa-≠ûi-aon ias ge 1969|a ||î gurib !na a tsoatsoa una xus ge nesi
khoesen (9) gose a |arosens |kha.

Gurigura !kharu khemis ge Damara/Nama !oabas NBCs disa |asa \\ae!gâs |gauga ge u!oa, ||nabas ge ûitsama #hôa#ûidi ia !oa-!ura dihedi |gaub |kha a tsoatsoas |kha.

Ne !oabas ge ||khati ≠Nu≠goaes tsî Tsoarongos tsîra tsîn ai ≠nu||khaeba-aora uhâ ia !kharaga!nagu saoguga !am||are tsî !oa-!u ≠hôana ||naba xura khom-aira.